Ferguson: Þurfti hugrekki til þess að taka þetta víti

Sir Alex Ferguson, stjóri Man. Utd, hrósaði hugrekki Wayne Rooney eftir að hann tryggði Man. utd sigur á Rangers í kvöld og skaut United um leið í sextán liða úrslit Meistaradeildarinnar.

Rooney fékk það ábyrgðarhlutverk að taka víti undir lok leiksins í stöðunni 0-0. Rooney skoraði af öryggi úr vítinu.

"Það þurfti mikið hugrekki til þess að taka þetta víti. Þetta var ekki auðvelt kvöld. Hann klúðraði tveim færum en maður býst við þvi þar sem hann er ryðgaður. Við gleðjumst allir með honum," sagði Ferguson eftir leikinn en Rooney fagnaði markinu ógurlega.

"Rooney vill fagna með leikmönnum og stuðningsmönnum í hvert sinn sem hann skorar. Hann á samt nokkuð í land með að komast í toppform aftur."