Veldu bestu vefsíður ársins - kosning hafin til Nexpo-vefverðlaunanna

Lesendum Vísis gefst nú kostur á að velja það sem hefur vakið athygli þeirra og aðdáun á vafri þeirra um vefheima síðustu misseri.

Fram til 25. janúar verður opið fyrir atkvæði almennings til Nexpo-vefverðlaunanna á slóðinni visir.is/nexpo. Þau verða síðan afhent með pompi og prakt á Sólon 27. janúar og verður verðlaunaafhendingin í beinni útsendingu hér á Vísi.

Í desember bauðst almenningi að senda inn tillögur til verðlaunanna hér á Vísi og var þátttakan framar vonum. Alls bárust um þrjú þúsund tillögur yfir bestu framlög Íslendinga til vefheima á síðasta ári. Dómnefnd fór yfir tillögurnar og tók mið af þeim þegar hún raðaði upp í sjálfar tilnefningarnar til verðlaunanna.

Tilnefningarnar má sjá hér fyrir neðan en við hvetjum alla til að taka þátt á visir.is/nexpo. Það er sáraeinfalt að taka þátt og tekur enga stund, aðeins þarf að velja einn tilnefndan í hverjum flokki og ýta á takkann neðst á síðunni til að kjósa.



TILNEFNDIR TIL NEXPO-VEFVERÐLAUNANNA 2011:

App ársins

Dómnefnd leitast eftir frumleika, notendaviðmóti og sniðugu forriti. Hvort sem er að ræða snjallsíma, spjaldtölvu eða í far/borðtölvur.

Já

Meniga

Airwaves

Leggja

Moogies

Herferð ársins

Dómnefnd leitast eftir herferð sem hefur haft bæði mikil áhrif og hefur tekist vel upp og verið starfrækt að megninu til á netmiðlum.

TM

Síminn - Villi á ferð um landið

Iceland wants to be your friend

Icelandair - Uppáhaldsborg Íslendinga

Besta sparnaðarráð Íslandsbanka

Leikur ársins

Dómnefnd fer eftir hönnun og skemmtanagildi.

Tiny Places

Moogies

Maxímús

Eve Online

Bjartasta vonin

Dómnefnd leitast eftir fyrirtæki/forriti/hugmynd sem á framtíðina fyrir sér. Einhver sem vert er að fylgjast með.

BetriReykjavik.is

Live project

Mobilitus

Plain Vanilla

SARWeather.com

Vefur ársins

Dómnefnd fer eftir hönnun og skemmtanagildi.

Datamarket

Stjörnur

Gogoyoko

Flick my life

Belgingur

Áhrifamesta fyrirtækið/vörumerki á samskiptamiðli

Hvaða fyrirtæki hefur staðið sig best með að ná til aðdáenda? Ekki er sérstaklega leitast eftir magni af aðdáendum, heldur nálgun og eftirfylgni.

Anna Rósa Grasalæknir

Frú Lauga

Nói Siríus

Iceland wants to be your friend

Síminn

Dómnefnd skipa Finnur Pálmi Magnússon, Rósa Stef, Þóranna K. Jónsdóttir, Þórarinn Hjálmarsson og Þorsteinn Már Gunnlaugsson. Nánar á visir.is/nexpo.