Leiðtogar Evrópusambandsins hafa samþykkt að sérstakur neyðarsjóður á vegum sambandsins geti lánað bönkum innan þess beint þannig að það hafi ekki áhrif á ríkisfjármál þeirra landa sem bankarnir eru staðsettir í.
Þetta þykir nokkur sigur fyrir bæði Ítali og Spánverja og jafnframt eftirgjöf af hálfu Angelu Merkel kanslara Þýskalands sem hingað til hefur verið mótfallin þessum áformum.
Á leiðtogafundi Evrópusambandsins sem nú stendur yfir hefur jafnframt verið samþykkt að verja 120 milljörðum evra til að auka vöxt og fjölga störfum innan sambandsins.
