Umfang leikmannaviðskipta minna nú en í fyrra

Knattspyrnufélög á heimsvísu hafa dregið mikið úr viðskiptum með leikmenn á undanförnum mánuðum miðað við árið á undan, að því er fram kemur í nýrri skýrslu frá Alþjóðaknattspyrnusambandinu FIFA. Tæplega 10 prósent færri leikmannasamningar vegna kaupa félaga á nýjum leikmönnum voru kláraðir á fyrstu sex mánuðum ársins miðað við í fyrr. Upphæðirnar sem um ræðir féllu hins vegar um ríflega þriðjun, eða 34 prósent. Heildarupphæðin að baki 4.973 leikmannasamninga nam um 571 milljón dala, eða sem nemur ríflega 70 milljörðum króna, að því er segir í umfjöllun breska ríkisútvarpsins BBC. Upplýsingarnar voru teknar saman í gegnum sérstakt kerfi á vegum FIFA, sem heldur utan um alla leikmannasamninga, TMS (Transfer Matching System).

Næstu tveir til þrír mánuðir eru oftar en ekki líflegir þegar kemur að leikmannaviðskiptum, en tímabil knattspyrnumanna í helstu atvinnumannadeildum heimsins hefjast á síðsumars og haustmánuðum ár hvert. Félagskiptaglugginn svonefndi lokar 31. ágúst og en opnar síðan á nýjan leik í janúarmánuði í einn mánuð.

Sjá má frétt breska ríkisútvarpsins BBC, um umfang félagskipta, hér.