Fulltrúadeild Bandaríkjaþings samþykkti í nótt frumvarpið sem kemur í veg fyrir svokallað fjárlagaþverhnípi í Bandaríkjunum. Öldungadeild þingsins samþykkti þetta frumvarp með miklum meirihluta í gærmorgun. Í fulltrúadeildinni voru 257 meðmæltir frumvarpinu en 167 voru á móti.
Helstu atriði frumvarpsins eru að skattar hækka á þá sem eru með yfir 450.000 dollara í árslaun, eða 57 milljónir kr. en haldast óbreyttir hjá öðrum. Hinsvegar var ákvörðun um niðurskurð í rekstri hins opinbera frestað um tvo mánuði.
Ef þetta frumvarp hefði ekki verið samþykkt hefðu tekið gildi lög um verulegar skattahækkanir yfir alla línuna og mikill niðurskurður hjá hinu opinbera. Afleiðingar þess hefðu að öllum líkindum verið kreppa að nýju í Bandaríkjunum.
Fjárlagaþverhnípið blásið af í nótt
