Tunnan af Brent olíunni komin yfir 115 dollara

Heimsmarkaðsverð á olíu heldur áfram að hækka þótt dregið hafi úr hækkun þess á Asíumörkuðum í nótt í kjölfar nýrra upplýsinga um að landsframleiðsla Bandaríkjanna hafi dregist aðeins saman á fjórða ársfjórðungi síðasta árs.

Verðið á Brent olíunni fór yfir 115 dollara á tunnuna í gærkvöldi og hefur ekki verið hærra síðan í september á síðasta ári. Tunnan af bandarísku léttolíunni stendur í tæpum 98 dollurum á tunnuna.

Fyrir viku síðan var verðið á Brent olíunni rúmlega 112 dollarar á tunnuna og hefur því hækkað um rúm 2% frá þeim tíma.