Sport

Gunnar Nelson flaug til London í morgun | Þriðji UFC-bardaginn handan við hornið

Tómas Þór Þórðarson skrifar
Gunnar Nelson vann Jorge Santiago örugglega í London fyrir rúmu ári.
Gunnar Nelson vann Jorge Santiago örugglega í London fyrir rúmu ári. Vísir/Getty
Með hverjum deginum styttist í þriðja UFC-bardaga Gunnars Nelson en hann berst við Rússann Omari Akhmedov í O2-höllinni í London á laugardaginn.

Gunnar snýr nú aftur í hringinn eftir langvarandi meiðsli en síðast barðist hann við Jorge Santiago í London fyrir rúmu ári.

Þann bardaga vann Gunnar eins og nær alla á sínum MMA-ferli en þessi rólyndis stríðsmaður hefur unnið ellefu MMA-bardaga og gert eitt jafntefli. Rússinn öflugi hefur unnið tólf og tapað einum.

Gunnar flaug út í morgun ásamt Haraldi Nelson, föður sínum og umboðsmanni, og Jóni Viðari Arnþórssyni, formanni bardagaíþróttafélagsins Mjölnis sem Gunnar keppir fyrir.

Fram kemur á vef MMA-frétta að nánast sé orðið uppselt á kvöldið í O2-höllinni á laugardaginn en bardagi Gunnars verður sá fyrsti á aðalhluta kvöldsins. Hann ætti því að berjast upp úr klukkan 20.00.

Bardaginn verður í beinni útsendingu á Stöð 2 Sport eins og allir bardagar Gunnars Nelson næstu þrjú árin.

Gunanr Nelson í Leifsstöð ásamt Haraldi föður sinum og formanni Mjölnis, Jóni Viðari.Mynd/Jón Viðar Arnþórsson
Íþróttir MMA

Tengdar fréttir

Leiðin að búrinu: Gunnar Nelson vs. Omari Akhmedov

Nú er aðeins vika í stærsta bardaga Íslandssögunnar! Gunnar Nelson berst gegn hinum rússneska Omari Akhmedov þann 8. mars í London og er bardaginn í beinni útsendingu á Stöð 2 Sport.

Síðasta æfing Gunnars á Íslandi

Það er heldur betur farið að styttast í bardaga Gunnars Nelson í London. Hann fer fram þann 8. mars næstkomandi.

Gunnar í sínu besta formi

Bardagakappinn Gunnar Nelson verður í eldlínunni laugardaginn 8. mars þegar hann stígur í búrið í sínum þriðja UFC-bardaga. Hann berst við Omari Akhmedov frá Rússlandi í London og bardaginn verður sýndur í beinni útsendingu á Stöð 2 Sport.

Innrás Rússa í UFC og lykillinn að velgengni þeirra

Gunnar Nelson mætir Rússanum Omari Akhmedov þann 8. mars næstkomandi. Aðdáendur UFC hafa eflaust tekið eftir innrás Rússa í UFC á undanförnu ári. Flestum Rússunum í UFC hefur gengið gríðarlega vel en af hverju eru þeir svona sigursælir?

„Gunnar getur unnið þá allra bestu“

"Hann mun án efa verða UFC meistari einn daginn, ég er ekki í nokkrum vafa um það," segir Renzo Gracie, fyrrum MMA bardagakappi og núverandi þjálfari, í samtali við The Telegraph.

Greining á Omari Ahkmedov, andstæðingi Gunnars

Það styttist óðum í stærsta bardaga Íslandssögunnar þegar Gunnar Nelson snýr aftur í búrið og mætir Rússanum ógurlega, Omari Akhmedov, í beinni útsendingu á Stöð 2 Sport. En hver er þessi Akhmedov og hverjir eru helstu styrkleikar og veikleikar hans?

Þjálfari Gunnars Nelson: Enginn stjórnar sjálfum sér betur en Gunnar

Gunnar Nelson er á leiðinni til London þar sem hann mætir Rússanum Omari Akhmedov í UFC-bardaga í í O2 Arena um næstu helgi. Akhmedov hefur ekki tapaða bardaga eins og Gunnar. John Kavanagh, írskur MMA-þjálfari Gunnars, ræddi við Guðjón Guðmundsson í kvöldfréttum Stöðvar tvö.

Utan búrsins: Gunnar Nelson

Eftir þrjár vikur stígur Gunnar Nelson í búrið og berst í þriðja sinn í UFC. Gunnar mætir Rússanum Omari Akhmedov en bardaginn fer fram í O2-höllinni í London. Undirbúningur Gunnars stendur sem hæst núna en hvernig er Gunnar Nelson utan búrsins?

ESPN spáir því að Gunnar Nelson slái í gegn í ár

Bardagakappinn Gunnar Nelson er að koma til baka eftir að hafa rifið liðþófa í hné á síðasta ári og fyrsti bardagi hans eftir meiðslin verður UGC-bardagi í mars á móti Omari Akhmedov frá Rússlandi.

Mest lesið


Fleiri fréttir

Sjá meira


×

Mest lesið