Jón Arnór búinn að enda í öllum sætum nema þremur á topp tíu

Óskar Ófeigur Jónsson skrifar 3. janúar 2015 22:15

Körfuboltamaðurinn Jón Arnór Stefánsson var í kvöld kosinn Íþróttamaður ársins 2014 en þetta er í fyrsta sinn sem hann fær þessi verðlaun á ferlinum.

Jón Arnór var nú í níunda skipti í hópi tíu efstu í kjöri Samtaka íþróttafréttamanna en hafði aldrei endað ofar en í fjórða sæti.

Jón Arnór hefur nú endaði í sjö af tíu efstu sætunum í kjörinu eða öllum sætum nema sæti 2, 3 og 9.

Hann komst fyrst í hóp tíu efstu árið 2002 þegar hann endaði í sjöunda sæti. Síðan þá hefur hann verið á öllum topp tíu listum nema árin 2006 og 2010 til 2012.

Jón Arnór endaði í 4. sæti í kjörinu fyrir ári síðan en það var í þriðja sinn á ferlinum sem hann var einu sæti frá því að vera meðal þriggja efstu.

Jón Arnór Stefánsson á topp tíu í kjöri á Íþróttamanni ársins

1. sæti - 1 sinni (2014)

2. sæti - Aldrei

3. sæti - Aldrei

4. sæti - 3 sinnum (2005, 2007, 2013)

5. sæti - 1 sinni (2003)

6. sæti - 1 sinni (2009)

7. sæti - 1 sinni (2002)

8. sæti - 1 sinni (2004)

9. sæti - Aldrei

10. sæti - sinni (2008)

Körfubolti Íslenski körfuboltinn

Tengdar fréttir

Karlalandslið Íslands í körfubolta valið lið ársins

Karlalandslið Íslands í körfubolta var kjörið lið ársins í kvöld en þetta kom í ljós á kjöri Samtaka íþróttafréttamanna á Íþróttamanns ársins 2014.

3. janúar 2015 20:51

Ásgeir og Pétur teknir inn í Heiðurshöll ÍSÍ

Knattspyrnumaðurinn Ásgeir Sigurvinsson og körfuboltamaðurinn Pétur Guðmundsson voru í kvöld teknir inn í Heiðurshöll ÍSÍ og eru nú alls níu íþróttamenn komnir inn í Heiðurshöll ÍSÍ sem var stofnuð í tilefni hundrað ára afmælis ÍSÍ árið 2012.

3. janúar 2015 20:35

Jón Arnór Stefánsson er Íþróttamaður ársins 2014

Körfuboltamaðurinn Jón Arnór Stefánsson var í kvöld kosinn Íþróttamaður ársins 2014 en fékk flest atvæði í árlegu í kjöri Samtaka íþróttafréttamanna.

3. janúar 2015 20:49

30 íþróttamenn fengu atkvæði í kjörinu í ár - stigin og sætin

Kjöri Samtaka íþróttafréttamanna var lýst í 59. sinn í kvöld á hófi í Gullhömrum í Reykjavík. Jón Arnór Stefánsson, landsliðsmaður í körfubolta og leikmaður Unicaja Malaga á Spáni, hlaut sæmdarheitið í ár og er annar körfuboltamaðurinn sem verður fyrir valinu og sá fyrsti í 48 ár.

3. janúar 2015 21:10