Gunnar fær enn eina viðurkenninguna

Gunnar Nelson skákaði Svíanum Alexander Gustafsson í kjöri um besta bardagamanninn árið 2014 utan Bandaríkjanna og Bretlandseyja.

Það eru lesendur vefsins YourMMA.tv sem kjósa og fékk Gunnar yfirburðarkosningu. Hann fékk 41 prósent atkvæða en Gustafsson kom næstur með 22 prósent.

Æfingafélagi og vinur Gunnars, Írinn Connor McGregor, var valinn besti bardagamaður Bretlandseyja með 45 prósent atkvæða.

Bardagakvöldið í Dublin þar sem Conor og Gunnar voru aðalstjörnurnar var valinn viðburður ársins. Skal engan undra því stemningin þar var lyginni líkust.

Nánar má lesa um kjörið hér.