Bjóða flug frá Íslandi til London á fimm þúsund kall

British Airways mum fljúga þrisvar í viku á milli London og Íslands frá og með október. Á fjöldamörgum dagsetningum má finna flugmiða aðra leiðina, án farangurs, frá Íslandi á 5.055 krónur.

Túristi.is greinir frá en vefsíðan hefur gert úttekt á verðmuninum á miðum flugfélagsins við easyJet, Icelandair og WOW air. British Airways mun fljúga til og frá Heathrow flugvelli eins og Icelandair hefur gert.

Töluverður verðmunur er á ódýrustu flugum flugvélanna fjögurra.

• British Airways 5.055 krónur (án farangurs) 8.155 krónur (með farangri)
• easyJet 8.867 krónur (án farangurs) 12.414 krónur (með farangri)
• Icelandair 17.455 krónur (án farangurs) 17.455 krónur (með farangri)
• WOW air 10.998 krónur (án farangurs) 14.997 krónur (með farangri)  

Þá mun með Íslandsflugi British Airways opnast möguleiki á að fljúga frá Íslandi og á fjarlægar slóðir á einni pöntun. Farþegar eru þá ábyrgð flugfélagsins ef tafir verða til þess að þeir missa af framhaldsflugi.