WOW air flýgur til Nice næsta sumar

WOW air hefur í dag sölu á flugi til Nice í Suður-Frakklandi, en um er að ræða þriðja áfangastað félagsins í Frakklandi þar WOW flýgur til Parísar allan ársins hring og til Lyon yfir sumartímann.

Nice er fimmta stærsta borg Frakklands og er við frönsku Rívíeruna. Frakkar kalla borgina Nice la Belle eða fallega Nice en fjórar milljónir ferðamanna leggja leið sína þangað árlega.

Áætlunarflug WOW air til Nice hefst 2. júní og nær áætlunin fram í miðjan september. Flogið verður tvisvar í viku, á fimmtudögum og sunnudögum en flugtími er rúmar fjórar klukkustundir.

Fram kemur í tilkynningu frá flugfélaginu að Gaman Ferðir muni bjóða upp á pakkaferðir til Nice og einnig pakkaferðir á EM í knattspyrnu karla næsta sumar, en eins og kunnugt er íslenska landsliðið á meðal þátttakenda  á mótinu sem fram fer víðs vegar um Frakkland.