Körfuboltakvöld: Er blaðran sprungin hjá ÍR?

Framlengingin í Domino's Körfuboltakvöldi var á sínum stað á Stöð 2 Sport í gær. Kjartan Atli Kjartansson stýrði umræðunni að vanda en með honum voru reynsluboltarnir Teitur Örlygsson og Fannar Ólafsson.

Í þættinum á föstudagskvöldið voru umræðuefnin m.a. KR, ÍR, Grindavík og MVP.

Kjartan Atli byrjaði Framlenginguna á því að spurja Fannar hvort að KR-liðið sé loks mætt í vinnuna og vildi Fannar meina að svo væri.

„Já ég meina það væri bara eins og að berja dauðan hest að segja að þú vinnur enga titla í október eins og margoft hefur komið fram, þeir eru að stíga upp.“

Kjartan Atli spurði síðan gesti sína hvort að ÍR væru farnir að gefa eftir.

„Ef Thomas er úti þá er blaðran sprunging,“ sagði Fannar.

Teitur var sammála Fannari og sagði að ÍR gæti verið í vandræðum.