Síminn hf. braut gegn lögum um verðbréfaviðskipti með því að tilkynna Fjármálaeftirlitinu (FME) ekki samdægurs um viðskipti fruminnherja með bréf í félaginu.
Umrædd viðskipti áttu sér stað 1. nóvember í fyrra og tilkynnti fruminnherjinn félaginu þau samdægurs. Tilkynningin barst FME hins vegar ekki fyrr en daginn eftir.
Í ákvörðum FME segir að lögum samkvæmt hafi félaginu ekki borið að birta tilkynninguna opinberlega og því raskaði hin seina tilkynning ekki jafnræði á markaði. Með hliðsjón af því, og þar sem tilkynningin barst FME degi síðar, var ákveðið að gera Símanum ekki stjórnvaldssekt vegna brotsins.
Síminn braut gegn lögum
