Körfuboltakvöld: Framlenging

Dominos Körfuboltakvöld var á sínum stað í gærkvöldi þar sem Kjartan Atli og sérfræðingar hans fóru yfir stóru málin úr síðustu umferð.

 

Dagskrárliðurinn Framlengingin var á sínum stað en þau málefni sem voru tekin fyrir að þessu sinni voru komandi landsleikir, bikarinn, Haukar, heimavallarréttur og Tindastóll.

 

Hermann Hauksson byrjaði á því að tala um mikilvægi þess að fá sem flesta áhorfendur á landsleikinn í næstu viku en það sé hægara sagt en gert.

 

„Þegar kemur að körfubolta, þá þarftu doldið að kaupa stemminguna. Þetta er ekki eins og á handbolta og fótboltaleikjum,“ sagði Hermann.

 

Jón tók undir orð Hermanns.

 

„Ég held að það væri ekki úr vegi ef t.d. Vífílfell myndi gefa stuðningsmönnum eitthvað til þess að væta kverkarnar á leiknum.“

 

Þeir félagarnir ræddu svo um heimavallarréttinn í úrslitakeppninni.

 

„Maður á aldrei að afskrifa neitt og því mun ég ekki afskrifa það að KR hljóti heimavallaréttinn.“ 

 

Teitur tók undir með Jóni.

 

„Ég held að Keflavík taki þetta en eins og Jonni segir að þá er ekki hægt að afskrifa KR þó svo að það sé kannski ekki eins mikil ógn sem stafar af þessu liðinu núna.“

 

Klippuna í heild sinni má sjá hér fyrir neðan.