Herrera sagður vera búinn að semja við PSG og Mata færist nær Barcelona

Manchester United gæti misst bæði Ander Herrera og Juan Mata frá félaginu í sumar en þeir eru báðir að klára samninga sína hjá félaginu. Risafélög vilja þá báða.

Herrera er sagður nú þegar vera búinn að semja við frönsku meistarana í PSG en Mata er í viðræðum við Barcelona. Þeir eru báðir að renna út af samningi hjá United.

Þeir hafa getað rætt við önnur félög síðan fyrsta janáur en samningur þeirra rennur út í júní. Þeir hafa verið í viðræðum við United um nýjan samning en lítið sem ekkert komið út úr þeim viðræðum.

Mata gaf það í skyn í viðtali í janúar að hann saknaði heimalandins en sagði þó að hann væri að spila fyrir eitt stærsta félag í heiminum og hyggst Barcelona hugsa sér gott til glóðarinnar að geta fengið hann frítt.