Gylfi í liði umferðarinnar ásamt þremur frá Liverpool og City

Gylfi Þór Sigurðsson er í liði vikunnar hjá knattspyrnuspekingnum Gareth Cooks en hann starfar hjá BBC.

Hann valdi Hafnfirðinginn í lið sitt fyrir þessa helgina en Gylfi skoraði með frábæru langskoti og lagði svo upp mark fyrir Theo Walcott síðar í leiknum.

Gylfi er ekki eini Everton-maðurinn sem kemst í liðið hjá Cooks og BBC en Seamus Coleman, hægri bakvörður og fyrirliði Everton, er einnig í liðinu.

Grannarnir í Liverpool eiga þrjá leikmenn í liðinu eftir 2-0 sigur á Cardiff en það eru þeir Joel Matip, Virgil Van Dijk og Gini Wijnaldum.

City er einnig með þrjá eftir sigur í toppslag og þau Watford, Newcastle og Crystal Palace eiga öll einn mann í fremstu víglínunni. Liðið má sjá hér að neðan.

Lið umferðarinnar að mati BBC:

Ederson

Seamus Coleman

Joel Matip

Virgil Van Dijk

David Silva

Gylfi Sigurðsson

Georginio Wijnaldum

Phil Foden

Gerard Deulofeu

Ayoze Perez

Wilfried Zaha