Leita hunds sem beit og klóraði níu ára stúlku í Reykjanesbæ

Lögreglustjórinn á Suðurnesjum leitar nú eiganda hunds sem beit níu ára stúlku í magann og klóraði í andlitið við Heiðarskóla í Reykjanesbæ.

Þetta kemur fram í Facebook-færslu lögregluembættisinsin. Þar segir einnig að eigandi hundsins búi að öllum líkindum í hverfinu við Heiðarskóla. Eigandinn hafi verið á gangi með barnavagn og ungabarn.

„Að sögn stúlkunnar þá var hundurinn ekki í bandi og er hún nálgaðist hundinn þá beit hann hana, hundinum er lýst sem svörtum og hvítum,“ segir í færslunni.

Lögreglan lýsir einnig eftir vitnum að atvikinu.