Þóra Björg Magnúsdóttir hefur tekið sæti í framkvæmdastjórn Coripharma.
Þetta kemur fram í tilkynningu frá félaginu en Þóra Björg hóf störf hjá Coripharma í kjölfar kaupa félagsins á þróunareiningu Actavis Group PTC í byrjun mánaðarins. Hún mun stýra rannsóknum og þróun hjá fyrirtækinu.
„Þóra Björg varð starfsmaður Actavis 2007, þá sem yfirmaður klínískra rannsókna í Evrópu og öðrum löndum utan Bandríkjanna. Áður var hún framkvæmdastjóri Lyfjaþróunar, fyrirtækis sem sérhæfði sig í tækni til inntöku lyfja með nefúða. Actavis keypti Lyfjaþróun árið 2007. Þóra Björg er með mastergráðu í lyfjafræði frá Háskóla Íslands,“ segir í tilkynningunni.
Coripharma sérhæfir sig í þróun og framleiðslu samheitalyfja sem seld eru til annarra lyfjafyrirtækja um allan heim.
Þóra Björg í framkvæmdastjórn Coripharma
