Rætt um að Rauði krossinn haldi áfram rekstri sjúkrabíla

Þolinmæði rekstraraðila sjúkrabíla á landinu er áþrotum vegna ástands þeirra sem sagt er vera mjög slæmt. Engin endurnýjun hefur átt sér staðí rúma fjörutíu mánuði. Viðræður á milli heilbrigðisyfirvalda og Rauða krossins áÍslandi um reksturinn eru aftur komnar af stað.

Rekstraraðilar sjúkrabíla á landinu og umsjónarlæknar fundu nýverið um ástand sjúkrabílaflotans í landinu og sáu þeir sig knúna til þess að senda frá sér ályktun til heilbrigðisráðuneytisins þar sem þess var krafist að deila ráðuneytisins og Rauða krossins á Íslandi um yfirtöku þess fyrr nefnda á rekstrinum yrði leyst svo endurnýjun gæti átt sér stað. „Þolinmæði okkar sem að stöndum að framkvæmd sjúkraflutninga, hún er löngu þrotin, segir Birgir Finnsson, varaslökkviliðsstjóri Slökkviliðs höfuðborgarsvæðisins og fulltrúi rekstraraðili í fagráði um sjúkraflutninga.

Deila ráðuneytisins og Rauða krossins um sjúkrabílasjóð hefur verið í hnút svo mánuðum skiptir en eins og fréttastofan hefur greint frá eru nægir fjármunir til í sjóðnum til þess að hefja endurnýjun strax. Útboði hefur ítrekað verið frestað þar sem heilbrigðisráðuneytið hafi ekki aðgang að sjóðnum sem Rauði krossinn heldur utan um og hefur ekki viljað láta af hendi fyrir en samningar um yfirtöku hafa náðst. Brúnt er að endurnýja nær helming flotans strax en endurnýjun átti sér síðast stað árið 2016.

Slæmt ástand sjúkrabílaflotans hefur áhrif á reksturinn

„Nú hefur ekki verið hreyfing á þessum málum í rúma fjörutíu mánuði og fyrirséð að það séu ekki að koma bílar hér næstu tíu eða tólf mánuðina þannig að ástandið er að verða slæmt. Þetta er farið að valda vandræðum í rekstrinum. Það er meiri bilanatíðni. Meira á verkstæði og auðvitað bara óvissa um að bíllinn standist þær kröfur sem er verið að gera þegar við erum að aka neyðarakstur á höfuðborgarsvæðinu,“ segir Birgir.

Samkvæmt heimildum fréttastofu eru viðræður við Rauða krossinn aftur komnar af stað og í svari heilbrigðisráðuneytisins við fyrirspurn fréttastofu segir að Sjúkratryggingar Íslands fari með málið þar sem hlutverk stofnunarinnar, sé að semja um kaup á heilbrigðisþjónustu.

Heimildir fréttastofu herma jafnframt að unnið sé að því að Rauði krossinn haldi rekstri sjúkrabíla í landinu áfram og þannig hverfi heilbrigðisráðherra frá ákvörðun sinni um að ríkið yfirtaki reksturinn. Ekki fást svör um hvort það sé skammtíma- eða langtímalausn.

Yfirlæknir bráðaþjónustu utan sjúkrahúsa tekur undir áhyggjur rekstraraðila sjúkrabíla.

„Þegar svona grundvallarþáttur þjónustunnar er í uppnámi að þá er erfitt að setja fókust á frekari uppbyggingu og þróun þjónustunnar, segir Viðar Magnússon, yfirlæknir bráðaþjónustu utan sjúkrahúsa.