Aktív­isti hrifsaði hljóð­nemann af for­seta­fram­bjóðandanum Har­ris

Svar öldungardeildarþingkonunnar Kamölu Harris við spurningu um launamun kynjanna á málfundinum MoveOn í Kalíforníu í gær komst ekki til skila vegna baráttumanns fyrir réttindum dýra sem ruddist upp á sviðið og reif hljóðnemann af Harris. BBC greinir frá.

Harris, sem er ein þeirra sem sækjast eftir tilnefningu Demókrataflokksins til forseta Bandaríkjanna fyrir kosningarnar á næsta ári, var í þann mund að svara spurningunni þegar 24 ára karlmaður, Aidan Cook, ruddist upp á sviði, tók hljóðnemann af Harris og sagðist vilja vekja athygli hennar á miklu stærra vandamáli en launamuninum sem hún ræddi um.

Maðurinn var snarlega fluttur í brott af öryggisvörðum og Harris varð ekki meint af uppákomunni. Skömmu eftir uppátækið kom í ljós að maðurinn var, eins og áður sagði, hinn 24 ára gamli dýraréttinda-aktívisti Aidan Cook. Cook hefur verið gagnrýndur víða fyrir gjörning sinn og með framkomu sinni sýnt fram á forréttindablindu sína.

I asked Aidan Cook, an animal rights activist who jumped onstage to interrupt Kamala Harris, if he had considered the optics of literally taking the microphone away from women of color.

“I did,” he said. “I tried to show my profound respect for each of the people onstage.” pic.twitter.com/uyMpV82lVP

— Lois Beckett (@loisbeckett) June 1, 2019