Kaup­þing sel­ur all­an hlut sinn í Ari­on bank­a

Kaupþing vinnur nú að sölu á þeim 20% hlut sem félagið á í Arion banka. Andvirði hlutarins er talið vera í kring um 28 milljarða króna. Kaupendur hlutarins eru taldir vera fagfjárfestar og núverandi hluthafar í Arion banka.

Viðskiptablaðið greindi fyrst frá þessu en í frétt þess um málið kemur fram að aðilar að viðskiptunum vonist til þess að kaupin verði frágengin á næstu dögum.

Kaupþing hefur lengst af átt stóran hlut í Arion banka frá endurreisn bankans eftir bankahrunið 2009. Um lengstan tíma átti Kaupþing 87 prósenta hlut í bankanum en ríkið hin 13 prósentin. Þá keypti Kaupþing þann hlut sem ríkið átti í Arion banka í febrúar á síðasta ári.

Síðan þá hefur Kaupþing unnið markvisst að því að selja hluti í bankanum, nú síðast með sölu á 15% hlut í Arion banka fyrir rúma 20 milljarða í mars á þessu ári.