Chris Hughton er líklegastur sem arftaki Quique Sanchez Flores hjá Watford samkvæmt heimildum enskra fjölmiðla.
Flores var rekinn í morgun, aðeins 85 dögum eftir að hann tók við liði Watford í annað sinn.
Watford vill ráða nýjan mann sem fyrst og þeirra fyrsti kostur er Chris Hughton, samkvæmt Sky Sports.
Hughton hefur verið án starfs síðan í lok síðasta tímabils þegar hann var rekinn frá Brighton. Hann hefur verið orðaður við hin ýmsu lið í Championship deildinni í vetur en er enn laus og liðugur.
Þá er Paul Clement, fyrrum stjóri Reading, líka orðaður við starfið.
Watford er á botni ensku úrvalsdeildarinnar með átta stig úr 14 leikjum.
