Ranglega greint frá andláti þingmanns

Alma Adams, fulltrúadeildarþingmaður Demókrataflokksins, hefur beðist afsökunar eftir að hún deildi grein þar sem sagt var frá því að samflokksmaður hennar í fulltrúadeildinni, John Lewis, væri látinn af völdum krabbameins. Vissulega er rétt að Lewis greindist með krabbamein á síðasta ári, en hann er hins vegar enn á lífi.

„Ég bið John Lewis, fjölskyldu hans og starfsfólk, innilegrar afsökunar á þeim röngu upplýsingum sem birtust á samfélagsmiðlum okkar í dag. Lewis þingmaður er einn vina minna og hetja og ég er fegin að vita að hann er heima hjá sér að hvílast,“ tísti Adams.

Starfsmannastjóri Adams, Sam Spencer, hefur tekið alla ábyrgð á málinu.

„Þetta hefði aldrei átt að gerast. Ég vil nýta tækifærið og biðja John Lewis afsökunar og öll sem voru jafn sorgmædd og ég þegar þau heyrðu af þessu gabbi.“

Ekki liggur fyrir hvaða miðill var fyrstu til þess að greina ranglega frá andláti Lewis en The Sun er meðal þeirra sem birtu fréttir þess efnis að hann væri látinn.