Yfir 5000 látist af völdum kórónuveirunnar á Spáni

Meira en 5000 manns hafa nú látist af völdum kórónuveirunnar á Spáni en tilkynnt var um 832 dauðsföll til viðbótar í nótt en AP greinir frá.

Alls hafa 72.248 tilfelli kórónuveirunnar greinst í landinu og 5690 hafa látist og er Ítalía nú eina landið þar sem fleiri hafa látist af völdum veirunnar en á Spáni. Neyðarástandandi hefur verið lýst yfir og er ætlað að það standi til 12. apríl næstkomandi hið minnsta.

Mikið álag er á heilbrigðiskerfi landsins og hefur spænski herinn verið kallaður til aðstoðar við þrif og annað á sjúkrahúsum landsins. Heilbrigðisstarfsfólk hefur undanfarið kvartað undan gæðum hlífðargallanna sem nauðsynlegt er að klæðast til að forðast smit þegar að COVID-19 sjúklingar eru meðhöndlaðir.

Í viðtali við AP segir katalónski heilbrigðisstarfsmaðurinn Pablo Rojo sem starfar á Dos de Maig spítalanum í Barselóna að meðalaldur sjúklinga fari lækkandi, hann sé nú nær fertugu en var áður nær áttræðu.