Hádegisfréttir Bylgjunnar

Þá fjöllum við um þing- og sveitarstjórnarkosningar í Grænlandi, sem fara fram á morgun. Aldrei hafa fleiri greitt atkvæði utan kjörfundar. Kosningarnar fara fram í skugga samkeppni stórvelda á norðurslóðum og hafa áform um námugröft orðið að einu stærsta kosningamálinu.

Við fjöllum þá um stöðuna á sóttkvíarhótelinu við Þórunnartún. Upplýsingafulltrúi Rauða krossins segir flesta gesti sýna stöðunni skilning. Þó hefur reynst mörgum erfitt að fá ekki að fara í stutta göngutúra, en tekið hefur verið fyrir útivist gesta.

Þá verður fjallað um kórónuveiruna, eldgosið í Geldingadölum, áform breskra stjórnvalda um að gefa öllum Bretum tvö ókeypis Covid-próf á viku og málaferli gegn Benjamín Netanjahú, forsætisráðherra Ísraels.