Bein útsending: Hádegisfréttir Bylgjunnar

Það er mesti fjöldi sem bólusettur hefur verið á einum degi hingað til. Meðal annars ræðum við við Þórólf Guðnason sóttvarnalækni sem í morgun fékk fyrri sprautuna af AstraZeneca. 

Þá fjöllum við um stöðuna í faraldrinum en níu greindust með kórónuveiruna í gær og þar af voru tveir utan sóttkvíar. Grunnskólinn í Þorlákshöfn var lagður undir skimun í morgun eftir að smit greindist meðal nemenda.

Að auki verður rætt við formann Þroskahjálpar en Skóla-og frístundasviði Reykjavíkurborgar hefur aldrei borist jafnmargar umsóknir um pláss í sérdeildir borgarinnar fyrir einhverf börn. Þær voru alls þrjátíu og átta. Í ár þurfti því að synja þrjátíu börnum um pláss.