Ekkert fær Sólirnar og Stríðsmennina stöðvað

Þetta var annar sigur Phoenix í röð og níundi sigurinn í síðustu tíu leikjum. Devin Booker fór mikinn í liði gestanna og skoraði 38 stig. Chris Paul skoraði nítján stig og gaf ellefu stoðsendingar.

DeMar DeRozan skoraði 38 stig fyrir Chicago og Zach LaVine 32. Chicago er í 3. sæti Austurdeildarinnar.

Golden State Warriors vann níunda leikinn í röð er liðið sigraði Oklahoma City Thunder, 98-110.

Klay Thompson skoraði 21 stig fyrir Golden State og var drjúgur á lokakaflanum. Stephen Curry skoraði átján stig, tók níu fráköst og gaf tíu stoðsendingar. Golden State er í 2. sæti Vesturdeildarinnar.

Topplið Austurdeildarinnar, Miami Heat, sigraði Washington Wizards í höfuðborginni, 100-121.

Bam Adebayo skoraði 21 stig fyrir Miami og Jimmy Butler nítján. Miami hefur unnið þrjá leiki í röð.

Úrslitin í nótt

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.