Innlent

Vitað um að minnsta kosti 30 falsanir á verkum Muggs

Hólmfríður Gísladóttir skrifar
Sjöundi dagur í Paradís, eftir Mugg. Verkið er klippimynd frá 1920 og er nú í eigu Listasafns Íslands.
Sjöundi dagur í Paradís, eftir Mugg. Verkið er klippimynd frá 1920 og er nú í eigu Listasafns Íslands.

Ólafur Ingi Jónsson, forvörður á Listasafni Íslands, segir að fölsuð verk eftir listamanninn Mugg séu víða uppi á veggjum; bæði á heimilum og söfnum. Hann telur hin fölsuðu verk telja einhverja tugi.

Frá þessu greinir Ríkisútvarpið en Ólafur hélt erindi í gær undir yfirskriftinni Ekki er allt sem sýnist, í tengslum við yfirlitssýningu Listasafnsins á verkum Guðmundar Thorsteinssonar, sem gekk undir listamannsnafninu Muggur.

Að sögn Ólafs hafa falsanir af verkum Muggs lengi verið í umferð en tilvist þeirra megi rekja til fölsunarmálsins sem kom upp rétt eftir aldamót. Þá voru eigendur Gallerí Borgar sakfelldir í héraðsdómi en síðar sýknaðir í Hæstarétti.

RÚV hefur eftir Ólafi að oft megi greina falsanir á verkum listamannsins af því hvernig verkin eru merkt og hann viti um tugi falsaðra verka; að minnsta kosti 30.

Eyða þurfi fölsununum, þar sem þær flækist fyrir á markaðnum.

Frétt RÚV.

Myndlist Menning Söfn

Mest lesið


Fleiri fréttir

Sjá meira


×

Mest lesið