LeBron og Davis með en Lakers tapaði samt | Grizzlies vann toppslaginn

Memphis Grizzlies vann Phoenix Suns í uppgjöri toppliða Vesturdeildar og þá skoraði Los Angeles Clippers 153 stig gegn meisturum Milwaukee Bucks.

Fyrir leik Lakers og Pelicans tísti James að hann væri frá út tímabilið vegna meiðsla og hann myndi sjá stuðningsfólk liðsins aftur næsta haust. Féll það ekki vel í kramið hjá aðdáendum Lakers sem eru frekar pirruð á slöku gengi.

LeBron var hins vegar í byrjunarliði liðsins þegar það fékk Pelicans í heimsókn en um var að ræða gríðarlega mikilvægan leik varðandi sæti í umspilinu um að komast í úrslitakeppnina. Það sem meira var, Davis sneri aftur og loks virtist Lakers með fullskipað lið.

Það skipti þó litlu máli þar sem liðið tapaði 114-111 og á litla sem enga möguleika á að komast í úrslitakeppnina. LeBron fékk tækifæri til að jafna leikinn með síðasta skoti leiksins en honum tókst ekki að bæta við þau 38 stig sem hann hafði þá þegar skorað.

Davis skoraði 23 stig í endurkomunni og tók 12 fráköst. Hjá Pelicans skoraði CJ McCollum 32 stig og Brandon Ingram 29 stig.

Tíst

Dillon Brooks skoraði 30 stig er Memphis vann átta stiga sigur á besta liði deildarinnar, Phoenix Suns, lokatölur 122-114. Devin Booker skoraði 1 stig í liði Suns en það dugði ekki til.

Giannis Antetokounmpo lék ekki með Milwaukee Bucks er liðið steinlá gegn Los Angeles Clippers á heimavelli, 119-153. Clippers hefur aldrei skorað meira í einum leik.

Jordan Nwora skoraði 28 stig í liði Bucks og Bobby Portis 25 en það dugir ekki ef menn spila ekki vörn. Robert Covington skoraði 43 stig í liði Clippers en hann hitti úr alls 11 þriggja stiga skotum í leiknum, það er einnig met hjá félaginu. Á eftir Covington kom svo Amir Coffey með 32 stig.

Önnur úrslit

Washington Wizards 135-103 Dallas Mavericks

Orlando Magic 89-102 Toronto Raptors

Boston Celtics 128-123 Indiana Pacers

Oklahoma City Thunder 101-110 Detroit Pistons

Houston Rockets 117-122 Sacramento Kings

San Antonio Spurs 130-111 Portland Trail Blazers

Denver Nuggets 130-136 Minnesota Timberwolves