Bayern München og Barcelona mætast annað árið í röð en Barcelona var skilið eftir í riðlakeppninni í fyrra þar sem Benfica frá Portúgal fylgdi Bæjurum áfram. Hörð keppni verður um efstu tvö sæti riðilsins þar sem silfurlið A-deildarinnar á Ítalíu í fyrra, Inter Milan, er einnig í C-riðli.
Leikir liðanna verða eflaust sérstakir fyrir pólska framherjann Robert Lewandowski sem mætir þar sínum gömlu félögum eftir að hafa skipt frá Bayern til Barcelona í sumar.
Skagamennirnir Ísak Bergmann Jóhannesson og Hákon Haraldsso, leikmenn FC Kaupmannahafnar, eiga ærið verkefni fyrir höndum þar sem þeir drógust í G-riðil ásamt Englandsmeisturum Manchester City. Einnig eru í þeim riðli Dortmund og Sevilla.
Liverpool, silfurlið Meistaradeildarinnar frá því í fyrra, er í A-riðli keppninnar ásamt Ajax frá Hollandi og Napoli frá Ítalíu. Chelsea mætir Ítalíumeisturum AC Milan í E-riðli, og þá er Tottenham í nokkuð þægilegum D-riðli með Frankfurt, Sporting og Marseille.
Ríkjandi meistarar Real Madrid eru einnig í nokkuð einföldum riðli með RB Leipzig, Shakhtar Donetsk og Celtic frá Skotlandi.
Alla riðlana má sjá að neðan.
A-riðill
- Ajax (Holland)
- Liverpool (England)
- Napoli (Ítalía)
- Glasgow Rangers (Skotland)
B-riðill
- Porto (Portúgal)
- Atlético Madrid (Spánn)
- Bayer Leverkusen (Þýskaland)
- Club Brugge (Belgía)
C-riðill
- Bayern München (Þýskaland)
- Barcelona (Spánn)
- Inter Milan (Ítalía)
- Viktoria Plzen (Tékkland)
D-riðill
- Eintracht Frankfurt (Þýskaland)
- Tottenham Hotspur (England)
- Sporting Lissabon (Portúgal)
- Olympique de Marseille (Frakkland)
E-riðill
- AC Milan (Ítalía)
- Chelsea (England)
- Salzburg (Austurríki)
- Dinamo Zagreb (Króatía)
F-riðill
- Real Madrid (Spánn)
- RB Leipzig (Þýskaland)
- Shakhtar Donetsk (Úkraína)
- Glasgow Celtic (Skotland)
G-riðill
- Manchester City (England)
- Sevilla (Spánn)
- Borussia Dortmund (Þýskaland)
- FC Kaupmannahöfn (Danmörk)
H-riðill
- Paris Saint-Germain (Frakkland)
- Juventus (Ítalía)
- Benfica (Portúgal)
- Maccabi Haifa (Ísrael)