Kvöldfréttir Stöðvar 2

Þá ræðum við einnig við seðlabankastjóra sem gagnrýnir mikla útgjaldaaukningu ríkisstjórnarinnar í fjárlögum. Þau eru nú til umræðu á Alþingi og við verðum í beinni þaðan.

Þrátt fyrir að íbúðafélagið Alma hafi skilað ríflega tólf milljarða methagnaði á síðasta ári hækkar félagið leigu hjá sínu fólki um fjórðung eftir áramót. Við hittum öryrkja sem segist ekki geta greitt leiguna og sér fram á að lenda á götunni um mánaðarmótin.

Við hittum einnig fastagesti athvarfs fyrir fólk með geðraskanir sem nú stendur til að loka vegna hagræðingar hjá borinni. Þau eru verulega ósátt og segjast sum ekki hafa neinn annan félagsskap. Að lokum kíkjum við í heimagerða jólaveröld hjá manni sem er að eigin sögn eitt allra mesta jólabarn landsins.

Þetta og fleira á samtengdum rásum Bylgjunnar og Stöðvar 2 klukkan 18:30.

Hlusta má á kvöldfréttirnar í beinni útsendingu í spilaranum hér að ofan.