Innlent

Igor og Wojciech fyrstu ferða­mennirnir að gosinu

Kristinn Haukur Guðnason skrifar
Igor og Wojciech var fyrst snúið við en síðan sagt að þeir mættu fara að gosstöðvunum.
Igor og Wojciech var fyrst snúið við en síðan sagt að þeir mættu fara að gosstöðvunum.

Það má segja að Pólverjarnir Igor og Wojciech séu lukkunnar pamfílar. Þeir eru fyrstu ferðamennirnir sem hleypt var inn á svæðið við gosstöðvarnar á Reykjanesi.

Igor segir að þeir félagar hafi fyrst verið stöðvaðir af lögreglunni og meinuð aðganga.

„Fyrst stoppuðu þeir okkur og sögðu okkur að við mættum ekki fara áfram. Við yrðum að fara til baka,“ segir Igor. „Síðan sögðu þeir okkur að við gætum farið að eldfjallinu. En við þurfum að vera meðvitaðir um reykinn.“

Á hann þá við gasmökkinn sem streymir upp úr eldgjánni, en gosstöðvarnar hafa verið lokaðar vegna mikillar brennisteinsoxíð mengunar.

„Við erum mjög ánægðir,“ segir Igor eftir að lögreglan opnaði inn á svæðið. Þeir félagar eru sannkallaðir lukkunnar pamfílar.

„Ég sá eldgosið í fyrra en ekki gjánna sjálfa. Mér finnst þetta heillandi,“ bætir Wojciech við.

Eldgos og jarðhræringar Eldgos á Reykjanesskaga Ferðamennska á Íslandi

Mest lesið


Fleiri fréttir

Sjá meira


×

Mest lesið