Hver er fram­tíð barna okkar?

Sem tveggja barna móðir sem horfi til nánustu framtíðar, hef ég miklar áhyggjur af því hvað við erum að skilja eftir fyrir börnin okkar.

Við sjáum skýrt hvernig þróunin og græðgi mannsins hefur orðið og hún er einfaldlega orðin ógeðsleg. Eigingirnin og græðgin nær langt fram yfir mannleg mörk. Það er engin önnur skepna sem hagar sér á þennan hátt nema mannskepnan.

Við ættum að vera svo þakklát fyrir að fá að búa á þessari fallegu jörð sem hefur alltaf staðið undir því að veita okkur heimili með auðlindum og einstakri náttúru. Náttúru sem við mannfólkið hreinlega kunnum ekki að fara með og deila fallega og rétt okkar á milli. Við virðumst ekki skilja mikilvægi þess að náttúran fái að sinna sinni mikilvægu hringrás. Móðir jörð setti ekki öll þessi göfugu dýr á jörðina fyrir græðgi eins og eins manns og það að við eigum svona erfitt með að stöðva svona menn í samfélaginu hræðir mig mjög mikið. Ef þetta breytist ekki og það strax hef ég mjög miklar áhyggjur hvað verður um börnin mín og þín.

Höfundur er heilsumarkþjálfi og rithöfundur.