Körfubolti

Kevin Durant orðinn sá tíundi stigahæsti í sögunni

Hjörtur Leó Guðjónsson skrifar
Kevin Durant heldur áfram að raða inn stigum fyrir lið sín í NBA-deildinni.
Kevin Durant heldur áfram að raða inn stigum fyrir lið sín í NBA-deildinni. Andrew Lahodynskyj/Getty Images

Körfuboltamaðurinn Kevin Durant er orðinn tíundi stigahæsti leikmaður NBA-deildarinnar frá upphafi eftir að hafa skorað 30 stig fyrir Phoenix Suns í nótt.

Durant þurfti 17 stig í leik Phoenix Suns gegn Denver Nuggets í nótt til að koma sér í tíunda sæti yfir stigahæstu leikmenn deildarinnar frá upphafi. Hann gerði mun betur en það og skilaði 30 stigum fyrir lið sitt.

Þrátt fyrir stigin 30 frá Durant mátti Phoenix Suns þola átta stiga tap gegn Nuggets, 119-111.

Kevin Durant hefur nú skorað 27.450 stig í NBA-deildinni, rétt rúmlega 800 stigum minna en Carmelo Anthony sem situr í níunda sæti listans. LeBron James er stigahæsti leikmaður deildarinnar frá upphafi með 39.140 stig og verður að teljast ólíklegt að met hans verði bætt í bráð.

NBA

Mest lesið


Fleiri fréttir

Sjá meira


×

Mest lesið