„Við gáfum Bronny ekkert, hann vann fyrir þessu“

Bronny ávarpaði fundinn fyrst og þakkaði fyrir tækifærið sem honum hefði verið gefið af JJ Redick og Rob Pelinka, framkvæmdastjóra Lakers.

JJ Redick greip þá orðið og leiðrétti það, honum hefði ekki verið gefið tækifæri heldur unnið fyrir því með dugnaði og erfiðisvinnu.

„Ég vil leiðrétta eitt sem þú sagðir, við Rob gáfum Bronny ekkert, hann vann fyrir þessu með dugnaði. Fyrir okkur er mikilvægt að horfa til þess hversu efnilegir leikmenn eru og þar hann í fyrsta flokki. Grunnlínan sem er til staðar í leikskilningi, hreysti, vörn og sókn, skottækni og sendingum mun hjálpa honum að ná langt sem NBA leikmaður.“

Bronny skráði sig í nýliðavalið eftir að hafa misst af nærri fimm mánuðum af síðasta tímabili eftir hjartaaðgerð sumarið 2023. Hann spilaði 19,3 mínútur með USC og skoraði 4,8 stig, gaf 2,1 stoðsendingu, greip 2,8 fráköst að meðaltali í leik.