Unnur Eggerts og Mateja til Maura

Í tilkynningu kemur fram að Unnur hafi starfað sem leikkona, söngkona og samfélagsmiðlaráðgjafi um árabil. 

„Hún hefur áður unnið á auglýsingastofunum Tvist og Jónsson & Le’Macks ásamt því að hafa sinnt fjölbreyttum verkefnum á sviði lista, hérlendis og í Bandaríkjunum. Hún var kosningastjóri VG í Reykjavík í síðustu Alþingiskosningum og samskiptastjóri framboðs Katrínar Jakobsdóttur til forseta Íslands í vor.

Mateja hefur víðtæka reynslu sem hönnuður og hönnunarstjóri á alþjóðavísu síðasta áratuginn og hefur starfað hér á landi með fyrirtækjum á borð við BIOEFFECT og Omnom. Undanfarin tvö ár hefur hún unnið sem listrænn stjórnandi hjá hönnunarstofunni Weird Pickle þar sem hún vann til FÍT gullverðlauna fyrr á þessu ári,“ segir í tilkynningunni.

Þröstur Skúli Valgeirsson er framkvæmdastjóri og eigandi Maura.