Gengið frá sölu á hluta Endor

Þetta segir í tilkynningu Sýnar til Kauphallar. Þar er haft eftir Herdísi Dröfn Fjeldsted, forstjóra Sýnar hf. að stjórnendur félagsins séu afar ánægðir með að hafa lokið sölunni. Viðskiptin snerti aðallega alþjóðlega starfsemi Endor og stærri innlenda viðskiptavini sem nýta sér sérhæfðar miðlægar gagnaveralausnir.  Innlendir viðskiptavinir Endor verði því að mestu leyti áfram þjónustaðir af Endor ehf. 

„Við erum sannfærð um að framtíðarsamvinna með Hexatronic muni enn frekar styrkja lausnaframboð Endor fyrir viðskiptavini þess. Salan mun ekki hafa veruleg áhrif á rekstrarafkomu Sýnar hf.,“ er haft eftir Herdísi Dröfn.

„Gagnaver eru eitt af vaxtarsvæðum okkar. Reksturinn sem við erum að kaupa einblínir á samþættar upplýsingatæknilausnir fyrir stærri fyrirtæki, sem er aðlaðandi hluti markaðarins og þýðir að við erum að auka vöruframboð okkar. Við erum ánægð með að bjóða nýja samstarfsfélaga velkomna til Hexatronic,“ er haft eftir Martin Åberg, aðstoðarforstjóra Hexatronic.

Vísir er í eigu Sýnar.