Handbolti

Skildi ekki eftir eitt sekúndu­brot á klukkunni

Óskar Ófeigur Jónsson skrifar
Orlane Kanor með liðsfélaga sínum Tamöru Horacek í leik með franska landsliðinu.
Orlane Kanor með liðsfélaga sínum Tamöru Horacek í leik með franska landsliðinu. Getty/Steph Chambers

Orlane Kanor skoraði skemmtilegt mark fyrir Frakka á móti Rúmeníu í milliriðli Evrópumóts kvenna í handbolta í gær.

Það sem gerir markið svo sérstakt er að þetta var sannkallað flautumark í lok fyrri hálfleiks.

Kanor náði að skjóta á markið og skora rétt áður en hálfleikurinn kláraðist.

Dómarar skoðuðu skotið hennar í skjánum og þá kom í ljós að Kanor skildi ekki eftir eitt sekúndubrot á klukkunni. Ljósið kviknaði brotabroti úr sekúndu eftir að boltinn fór yfir marklínuna.

Það má sjá markið hér fyrir neðan sem og hversu litlu munaði að leiktíminn væri runninn út.

Kanor skoraði alls fjögur mörk í leiknum og Frakkland vann leikinn með fimm mörkum, 30-25.

EM kvenna í handbolta 2024

Mest lesið


Fleiri fréttir

Sjá meira


×

Mest lesið