Sigur­jón og Birna María til Nóa Siríus

Þetta kemur fram í tilkynningu. Þar segir að Sigurjón hafi upphaflega gengið til liðs við fyrirtækið árið 2022 þegar hann hafi tekið við stöðu sérfræðings á sviði viðskiptagreininga. 

„Sigurjón er með meistaragráðu í endurskoðun og reikningsskilum og einnig fjármálum frá Háskóla Íslands auk þess að hafa sótt skiptinám í Bandaríkjunum og Mexíkó. Sigurjón hefur aflað sér víðtækrar reynslu með störfum sínum á vettvangi atvinnulífsins, svo sem hjá Festi hf., Iceland Seafood, í sjö ár á endurskoðunarsviði KPMG og nú undanfarin þrjú ár hjá Nóa Siríus.

Þá hefur Birna María Másdóttir verið ráðin í starf markaðsstjóra Nóa Siríus sem heyrir undir framkvæmdastjóra markaðsmála. Birna María býr yfir yfirgripsmikilli reynslu frá auglýsingastofunni Brandenburg, þar sem hún starfaði sem viðskiptastjóri og starfaði náið með fyrirtækjum á borð við Nova, Krónuna og PLAY. Þá hefur hún látið mikið til sín taka á sviði þáttagerðar í sjónvarpi, þar sem hún þróaði m.a. hugmyndina og skrifaði handrit að þáttunum GYM sem sýndir voru á Stöð 2. Einnig sá hún um dagskrárgerð og umsjón með þáttunum Bibba flýgur og Áttavillt sem báðir hlutu tilnefningu til Eddunnar árið 2021,“ segir í tilkynningunni.