Miða­verð á Old Trafford eins og „spark í tennurnar“

Eftir að liðið endaði í 15. sæti deildarinnar er félagið að fara flokka miða niður í fjóra verðflokka.

Ódýrasti verðflokkurinn verður fyrir suma bikarleiki. Ódýrustu leikirnir í deildinni verða í C-flokki en það er aðeins leikirnir gegn nýliðum Sunderland og Wolves. Miðar á þá leiki munu kosta 37 pund eða rétt rúmlega sex þúsund krónur.

Í A-flokki verða leikir gegn Arsenal, Chelsea, Liverpool, Manchester City, Newcastle og Tottenham. Rökin frá klúbbnum hafa verið að þessir dýrustu miðar muni bara vera 1% af seldum miðum.

„Miðað við hvernig okkur gekk á síðasta tímabili, vonuðumst við eftir því að klúbburinn myndi endurskoða þessi plön. Þetta miðakerfi mun vera gífurleg verðhækkun fyrir stuðningsmenn sem mæta á alla leiki,“ sagði talsmaður stuðningsmannafélags Manchester United.

„Enn og aftur hafa þeir sleppt því að leita ráða hjá stuðningsmönnum, og aftur taka þeir ákvarðanir sem er gegn hagsmunum stuðningsmanna“, bætti talsmaðurinn við.