James tekur einn dans enn í það minnsta

Hann og Luka Doncic eru langlaunahæstu leikmenn liðsins með samanlagt rúmar 98 milljónir í laun en alls er Lakers liðið skuldbundið til að borga tæpar 190 milljónir í laun á næsta vetur sem þýðir að liðið er bæði fyrir ofan launaþakið og lúxus skattinn sem lið þurfa að greiða þegar kostnaðurinn fer yfir 170 milljónir. 

Ákvörðun James vekur eflaust upp blendnar tilfinningar hjá bæði stjórnendum og aðdáendum Lakers en hann var með svokallaða „player option“ klásúlu í samningi sínum sem þýðir að það var honum algjörlega í sjálfsvald sett hvort hann myndi framlengja.

Eldri leikmenn sem eiga rétt á háum launum samkvæmt reglum deildarinnar hafa nefnilega stundum samið upp á nýtt og tekið á sig launalækkun til að gefa liði sínu sveigjanleika til að semja við aðra leikmenn. Lakers liðið er því komið í hálfgerða spennitreyju og alls óvíst hvort James verði áfram með liðinu eða hvort honum verði skipt í burtu og framtíðin byggð í kringum Doncic, en þetta verður 23. tímabil James í deildinni.