Eig­andi For­est býður fram að­stoð eftir stunguárásina

Samkvæmt tilkynningu frá Forest voru margir stuðningsmanna Forest, búsettir í London, á leið heim eftir 2-2 jafnteflið við Manchester United þegar árásin var gerð.

Ellefu manns voru flutt á sjúkrahús eftir árásina og samkvæmt frétt BBC í morgun er ástands eins þeirra, lestarstarfsmanns, enn lífshættulegt en stöðugt.

„Allir hjá Nottingham Forest eru í áfalli og afar sorgmæddir yfir því sem gerðist,“ sagði Marinakis í tilkynningu Forest, þar sem hann bauð meðal annars fram fjárhagsaðstoð.

„Hugrekkið og fórnfýsin sem stuðningsmenn okkar sýndu í lestinni er til vitnis um það besta í mannkyninu og það besta í samfélagi félagsins okkar.

Við munum tryggja að allir stuðningsmenn sem lentu í þessu atviki fái allan þann fjárhagslega stuðning sem þeir þurfa til að fá bestu mögulegu læknishjálp á meðan þeir ná sér.

Hugur okkar og bænir eru hjá öllum þeim sem urðu fyrir áhrifum af þessu,“ sagði Marinakis.

Tveir Bretar á fertugsaldri voru handteknir eftir árásina en öðrum þeirra var síðar sleppt.