Litli bróðir Stephen Curry til Golden Sta­te

Seth hafði að vísu gengið til liðs við Golden State í haust en launafyrirkomulag deildarinnar gerði það að verkum að liðið varð að bíða með að semja við hann til loka tímabilsins þar til núna.

Seth sem er 35 ára og tveimur árum yngri en Stephen, hefur komið víða við á ferlinum en aldrei fest sig í sessi. Golden State verður tíunda liðið sem hann spilar fyrir. Hann gerði reyndar tímabundinn samning við liðið á nýliðatímabili sínu árið 2013 en eftir að hafa komið við sögu í sex leikjum á undirbúningstímabilinu var samningnum sagt upp.

Bræður munu berjast

Curry bræðurnir eru langt í frá einu bræðurnir í NBA deildinni og ekki einu sinni þeir einu sem spila í sama liði. Má þar nefna að í Milwaukee Bucks eru þeir Giannis og Thanasis Antetokounmpo, og þriðji bróðirinn, Alex, leikur með Wisconsin Herd, sem er G-deildarlið Bucks.

Í Orlando Magic leika saman bræðurnir Franz og Moritz Wagner sem eru að eigin sögn bestu vinir og búa saman. 

Þá eru fjórir tvíburar í deildinni. Brook og Robin Lopez léku saman í Bucks hér um árið en Robin er að vísu án liðs um þessar mundir. Einnig þeir Keegan og Kris Murray, Amen og Ausar Thompson, Caleb og Cody Martin og Tre og Tyus Jones. Þeir leika allir með sitthvorum liðunum.

Þá má ekki gleyma þeim Jrue, Justin og and Aaron Holiday sem eru allir bræður.

Þessi listi er ekki tæmandi yfir bræður í NBA deildinni. Einhver heldur kannski að blaðamaður sé að gleyma „frægustu“ bræðrunum í NBA, Ball bræðrunum, þeim Lonzo, LaMelo og LiAngelo Ball. Svona lista er varla hægt að birta án þess að minnast á þá. Lonzo hefur verið mikið meiddur og er aðallega á bekknum hjá Cleveland í dag. LaMelo hefur einnig þurft að glíma við meiðsli en er þó að skila tæpum 20 stigum í leik með Charlotte en LiAngelo komst aldrei í NBA deildina og hefur lagt skóna á hilluna.