Minnir á hvernig Hitler komst til valda

„Hitler varð kanslari Þýskalands árið 1933. Sex árum síðar réðst hann inn í Pólland og önnur heimsstyrjöld braust út,“ skrifar Hanna Katrín í færslu sem birtist á einkasíðu hennar á Facebook í gærkvöldi, laugardag. 

Færslan er eingöngu sýnileg vinum Hönnu Katrínar á miðlinum en þar vísar hún í samantekt af vísindavefnum um það hvernig Hitler komst til valda, eða eins og ráðherrann orðar það: 

„[H] vernig lýðræðisríki breyttist í einræðisríki á stuttum tíma með gríðarlegum hörmungum fyrir heimsbyggðina.“

Samhengi færslunnar er ekki ljóst. Færslan sem hún birti á undan þessari, degi áður, fjallaði um frétt Mannlífs um hvernig ríkir bandamenn Donalds Trump Bandaríkjaforseta hefðu fjárhagslega hagsmuni af því að Bandaríkin innlimuðu Grænland. „No shit, Sherlock,“ skrifaði hún við þá færslu á einkavegg sínum. Ekki er víst að færslunar tengist með nokkrum hætti.

Ekki náðist í Hönnu Katrínu við gerð fréttar.