Geta hefnt fyrir ó­farir Hákonar annað kvöld

Það hitnaði í kolunum á milli Hákonar og Albazi fyrir bardaga þeirra í Framheimilinu undir lok febrúar og á endanum vann Albazi þann bardaga á dómaraúrskurði. Á morgun stígur Albazi, sem er bróðir UFC bardagakappans Amir Albazi, aftur inn í búrið og mætir öðrum bardagakappa úr Reykjavík MMA.

Sá er Úkraínumaðurinn Vitalii Korshak en bardagi hans og Ali verður titilbardagi í léttivigtarflokki. Líkt og Ali barðist Vitalii á bardagakvöldinu í Reykjavík á dögunum og vann sinn bardaga með yfirburðum og tryggði sér léttivigtartitil Glacier Fight Night.

Bardagi Vitalii og Ali fer fram í áhugamannaflokki en þrír atvinnumenn frá Reykjavík MMA stíga einnig inn í búrið. Jhoan Salinas berst gegn heimamanninum Will Gibson í aðalbardaga kvöldsins. Þetta verður annar bardagi Salinas í atvinnumannaflokki en hann vann þann fyrsta með hengingu í fyrstu lotu gegn Dec Dean á Caged Steel 40 bardagakvöldinu.

Þá mun Haraldur Arnarson mæta Andy Baker. Haraldur er í leit að sínum fyrsta sigri á atvinnumannaferlinum í fjórum bardögum á meðan að um er að ræða fyrsta atvinnumannabardaga Andy Baker. Þá mætir Tiago Oliveira, Franklin Esoe