Viðskipti innlent

Isavia ANS hefur ham­skipti og verður Avians

Kjartan Kjartansson skrifar
Kjartan Briem, framkvæmdastjóri Avians, með nýju nafni og vörumerki dótturfélags Isavia.
Kjartan Briem, framkvæmdastjóri Avians, með nýju nafni og vörumerki dótturfélags Isavia. Avians

Flugleiðsöguþjónusta Isavia yfir Norður-Atlantshafi fékk nýja nafnið Avians í dag. Dótturfélagið hefur fram að þessu gengið undir heitinu Isavia ANS en breytingin er sögð eiga að aðgreina ólíka starfsemi samstæðunnar skýrar og ganga betur í erlenda viðskiptavini.

Avians sinnir flugleiðsöguþjónustu á íslenska flugstjórnarsvæðinu en um það fer flugumferð milli Norður-Ameríku og Evrópu. Félagið varð til þegar Isavia ohf. var skipt í tvennt árið 2020. Hitt dótturfélag Isavia heldur utan um rekstur innanlandsflugvalla.

Nafnið er sagt samsett úr „Avia“ sem vísi til flugs annars vegar og „ANS“ sem standi fyrir „Air Navigation Services“. Nafnið sé þannig auðvelt í notkun á alþjóðavettvangi og henti vel gagnvart erlendum viðskiptavinum.

Í tilkynningu frá Isavia segir að nafnbreytingin eigi að styrkja stöðu félagsins alþjóðlega og þar skipti máli að nafn félagsins og vörumerki gangi „jafnt innanlands og á alþjóðavettvangi“.

Hvorki orðið „Avians“, „Avia“, „Air Navigation Services“ né skammstöfunin „ANS“ er að finna í íslenskri orðabók. „Avians“ vísar til fugla á ensku.

Isavia Fréttir af flugi


Mest lesið


Fleiri fréttir

Sjá meira


×

Mest lesið