Samkaup eykur hlut sinn í Kjötkompaní

Lovísa Arnardóttir skrifar 1. apríl 2026 08:47

Jón Örn Stefánsson, eigandi Kjötkompaní, fagnar góðu samstarfi. Aðsend

Samkaup hefur aukið eignarhlut sinn í Kjötkompaníinu upp í 48 prósent samkvæmt tilkynningu frá félaginu. Samkaup keypti 38 prósenta hlut í október en samkvæmt tilkynningu vildi félagið auka hlut sinn vegna góðs samstarfs.

Samkaup rekur 65 verslanir um land allt undir vörumerkjunum Nettó, Prís, Kjörbúðin og Krambúðin. Í tilkynningu segir að stefnt sé að því að breikka vöruúrvalið frá Kjötkompaníinu í verslunum en áfram verði lögð áhersla á vörur undir merkjum Matarbúrsins, sem sérhæfir sig í þróun tilbúinna rétta.

Jón Örn Stefánsson, matreiðslumeistari og eigandi Kjötkompanís, fagnar þessu skrefi.

„Sérstaða okkar er í kjöti og með þessu sjáum við tækifæri til að dýpka samstarfið enn frekar og vinna náið með vöruflokkastjórum, verslunarstjórum og kjötstarfsmönnum í verslunum. Við sjáum mikil samlegðaráhrif við að þjónusta matarþarfir viðskiptavina.

Auður Daníelsdóttir, forstjóri Samkaupa og Dranga.Aðsend

Samkaup er dótturfélag Dranga hf. sem er móðurfélag framsækinna fyrirtækja á neytendamarkaði. Systurfélög Samkaupa eru Orkan og Lyfjaval.

„Það er styrkur fyrir okkur að fá Kjötkompaní í enn frekara samstarf. Þekking þeirra og reynsla í kjöti mun gera okkur kleift að þjónusta viðskiptavini enn frekar með gæðaúrvali fyrir grillsumarið sem fram undan er. Reynslan þeirra er mikil og samstarfið styrkir vegferðina að bæta upplifun og þjónustu í verslunum. Við hlökkum til að kynna vörurnar betur fyrir viðskiptavinum,“ Segir Auður Daníelsdóttir forstjóri Samkaupa í tilkynningu.

Verslun Matvælaframleiðsla Matvöruverslun Matur

Tengdar fréttir

Samkaup eignast 38 prósenta hlut í Kjötkompaní

Samkaup hefur keypt 38 prósenta hlut í Kjötkompaní.

2. október 2025 08:05

Skel metið á „hálfvirði“ í samanburði við önnur félög í smásölu og þjónustu

Markaðsgengi Skel er um þrjátíu prósent lægra en jafngildir innra virði þess, sem má meðal annars rekja til óvissu um virði óskráðra eigna, en í nýrri greiningu er fjárfestingafélagið sagt verulega vanmetið á markaði. Þar er þeirri spurningu velt upp hvort munurinn í verðlagningu á Skel borið saman við önnur skráð félög sem starfa í smásölu og þjónustu „eigi að vera svona gríðarlega mikill“ en fjárfestingafélagið er í þeim samanburði á tæplega „hálfvirði“ miðað við það sem reksturinn skilar hluthöfum í hagnað.

4. mars 2026 12:20

Krambúðir, Kjörbúðir og 10–11 verða SPAR

Drangar, móðurfélag Samkaupa, hafa skrifað undir samning við alþjóðlegu verslunarkeðjuna SPAR International um notkun vörumerkisins hérlendis. Markmið samningsins er að í lok árs 2027 muni verslanir undir merkjum 10–11, Krambúðar og Kjörbúðar bera alþjóðlegt vörumerki SPAR. Eftir innleiðinguna mun Samkaup selja matvöru undir vörumerkjunum Prís, Nettó og SPAR.

4. febrúar 2026 08:58

Mest lesið

Fleiri fréttir