Luke leiddi Lakers til sigurs í fjar­veru Luka

Lakers fara inn í úrslitakeppni með stjörnuleikmanninn Luka Doncic og hinn áreiðanlega Austin Reaves á meiðslalistanum. Rockets lentu síðan í óvæntum meiðslum í fyrsta leik hjá sínum besta leikmanni, Kevin Durant. Óvíst er hvað amar að honum.

LeBron James virðist hins vegar eilífur og átti frábæran leik í nótt. Hann gaf 8 stoðsendingar í fyrsta leikhlutanum, sem er það mesta í einum leikhluta á hans ferli. James endaði leikinn svo með 19 stig, 12 stoðsendingar og 8 fráköst.

„Ég fékk að gera sitt lítið af hverju. Sem er það sem þarf. Þannig að ég var þreföld ógn, að grípa fráköst, gefa boltann, gat skotið og líka varist. Sett sjálfan mig í stöðu þar sem ég gef mikið af mér til liðsins og vonandi verður það þannig í gegnum seríuna,“ sagði James við ESPN eftir leik.

Honum tókst þó ekki að koma syni sínum Bronny James á blað en hann spilaði fjórar mínútur.

Flestar stoðsendingar James rötuðu á Luke Kennard, sem átti sinn besta úrslitakeppnisleik á ferlinum með því að skora 27 stig.