Opna fjórðu SPAR-verslunina á morgun

Í tilkynningu segir að þegar hafi þrjár verslanir verið opnaðar undir merkjum SPAR frá því í byrjun júní – við Barónstíg í Reykjavík, Staðarberg í Hafnarfirði og Hófgerði í Kópavogi.

Fram kemur að báðar verslanirnar í Kópavogi verði opnar 7:30 til 23:30 alla daga vikunnar á meðan verslanirnar í Staðarbergi og á Barónsstíg verði opnar allan sólarhringinn.

Samkaup vinna nú að því að breyta Krambúðum, Kjörbúðum og 10-11 í SPAR.

Haft er eftir Svani Valgeirssyni, framkvæmdastjóra SPAR, Krambúða og 10-11, að í verslununum verði áhersla lögð á ferskvörur, gott úrval af tilbúnum réttum, ferskt grænmeti og bakarísvörur, auk hefðbundinnar dagvöru. Sbarro muni selja pitsur í SPAR Búðakór og áhersla lögð á afhendingu pakka frá Dropp, DHL og Póstinum. Samið hafi verið við Svens um að annast sölu á tóbaki og nikótínvörum í versluninni, svokallað Svens mini.

Til stendur að opna fjórar til fimm SPAR-verslanir til viðbótar á árinu, við Laugalæk í Reykjavík, á Hellu, í Neskaupstað og á Selfossi svo eitthvað sé nefnt.