Gjald­skrá Strætó hækkuð á ný

 Ný gjaldskrá hjá Strætó tekur gildi þann 16. júlí. Samkvæmt tilkynningu er ákvörðunin um gjaldskrárbreytingu í samræmi við gjaldskrárstefnu um að verð hækki í takt við áætlaða hækkun neysluverðsvísitölu.

Þrjátíu daga kort fullorðinna hækkar úr 11.600 krónum í tólf þúsund krónur og árskort fullorðinna úr 116.000 krónum í 120.000 krónur. Stakt gjald verður áfram 690 krónur og verð á Klapp plastkortum og lyklakippum helst sömuleiðis óbreytt eða þúsund krónur.

Tímabilskort ungmenna og aldraðra hækkar einnig og fer úr 5.800 krónum í sex þúsund krónur. 

Gjaldskrárbreytingar ná einungis til þjónustu Strætó á höfuðborgarsvæðinu. Hana ber að endurskoða tvisvar á ári og var síðast hækkuð í byrjun árs. 

Þá var stakt fargjald fullorðinna hækkað úr 670 krónum í 690 krónur og þrjátíu daga nemakort fyrir ungmenni fór úr 5600 krónum í 5800 krónur.